اسلام آباد 30 جولائي (اے پي پي) د قامي اسمبلۍ ډپټي سپيكر قاسم خان سوري وئېلي دي چې پاكستان او افغانستان يو ډول مذهبي او كلتوري اقدار لري٬مونږ يو قوي افغانستان غواړو چې پريكړې د افغانستان خلك پخپله وكړي٬د افغانستان خلك همت لرونكي خلك دي٬دوي كله هم ماتې نه ده منلې، د افغانستان د سولې په عمل كښې پاكستان د بشپړه كردار ترسره كولو هڅې كړې دي، مونږ افغانستان پرمختګ په لور تلونكو هېواد ليدل غواړو. ده دا خبرې د پاك افغان يوتھ فورم تر سيوري لاندې جوړې شوې دستورې ته په خپله وېنا كښې وكړې. په دې موقع د اطلاعاتو او خپرونو وفاقي وزير چوهدري فواد حسېن، د مذهبي چارو وفاقي وزير پير نورالحق قادري، د موسمياتي بدلون وزير مملكت زرتاج ګل او د وزيراعظم خاص مرستيال شهباز ګل پشمول نور مهم شخصيات هم موجود وو. قاسم خان سوري ووئيل چې ووئيل چې پاكستان او افغانستان يو ډول مذهبي او كلتوري اقدار لري. زمونږ تاريخي اتلانو د كابل نه راتللو سره په نيمه وچه پاك و هند كښې تاريخ رقم كړے. حضرت داتا ګنج بخش افغانستان څخه راغلے و او د اسلام تبليغ ئې كړے. شېرشاه سوري د كابل نه تر كلكته 3300 كلوميټره سړك جوړ كړے و. ده ووئيل چې مونږ تر هغه وخت مخ په وړاندې نه شو تللې تر څو چې افغانستان يو خپلواكه او آزاد هېواد نه وي جوړ شوے. ده ووئيل چې افغانان زمونږ وروڼه دي، مونږ چې د كومو حالاتو نه تېرېږو ، مونږ ته په يو بل د ځان پوهولو ضرورت دے. ده ووئيل چې په افغانستان كښې امن وي ن و مونږ به هم پرمختګ وكړو. ده ووئيل چې پاكستان په 57 اسلامي هېوادونو كښې تر ټولو ځانګړے او اټومي طاقت دے، دلته زياته آبادي د ځوانانو ده، مونږ ته دوي د بهترې په پلو بوتلل دي. په دې د مذهبي چارو وفاقي وزير پير نورالحق قادري هم وېنا وكړه
پاكستان او افغانستان يو ډول مذهبي او كلتوري اقدار لري٬مونږ يو قوي افغانستان غواړو۔د قامي اسمبلۍ ډپټي سپيكر قاسم خان سوري د پاك افغان يوته فورم تر سيوري لاندې دستورې ته وېنا
مضمون کا ماخذ : امکان ہے کہ میگا سینا
متعلقہ مضامین
