اسلام آباد۔24نومبر(اے پی پی)وزیر ا??ظم دے مشیر قومی سلامتی ڈاکٹر معید یوسف آکھیے جو جنگ زدہ ملک افغانستان تے مالی پابندیاں بین الاقوامی ڈونر ایجنسیاں دی امدادی کوششاں اچ رکاوٹ ٻݨدیاں پین، عالمی برادری انسانی تباہی دے ??نہ تے پڄیے 35 ملین توں ودھ افغانیاں کوں ریلیف اتے مدد سانڳے توجہ ݙیوے۔ سی این این کوں انٹرویو اچ انہاں آکھیا جو سمڄھݨ ضروری اے جو افغانستان اچ کہیں قسم دی انسانی تباہی دا سامݨا نہ تھیوے۔ ڈاکٹر معید یوسف آکھیا اقوام متحدہ دے ورلڈ فوڈ پروگ??ام (ڈبلیو ایف پی) اپݨی رپورٹ اچ آکھیے جو 23 ملین افغان ایں سیالے اچ خوراک دی ودھ کمی دا شکار تھیسن، لوک ٻال ویچݨ تے آڳئن، ایندے تے فوری رد عمل دی لوڑھ اے۔ انہاں آکھیا جو ایں ویلھے سیاست دی بجائے ڄڳ کوں افغانیاں دی امدا دا سوچݨا چاہیدے ڄیڑھے اوکھے ہین، ایں سانڳے پاکستان جو کڄھ کر سڳدے او کریندا پئے بھل ڄڳ کؤن وی اپݨا ہتھ ونݙاوݨا ہوسی۔ انہاں آکھیا جو پاکستان امیر ملک ن??یں بھل پاکستان تقریباً 30 ملین ڈالر عطیہ ݙتے اتے نجی عطیات وی ݙیندے پئے ہیں۔
جنگ زدہ ملک افغانستان تے مالی پابندیاں بین الاقوامی ڈونر ایجنسیاں دی امدادی کوششاں اچ رکاوٹ ٻݨدیاں پین، مشیر قومی سلامتی ڈاکٹر معید یوسف دا سی این این کوں انٹرویو
مضمون کا ماخذ : لاتعداد وشال پانڈا
متعلقہ مضامین
