اسلام آباد 26 جون (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې د وزيراعظم عمران خان په مشرې كښې د نوي پاكستان سفر پېل شوے، د پاكستان تحريك انصاف حكومت ټول لوظونه پوره كړي دي، د رياستونو د بيانيې ودې لپاره مېډيا مهم كردار ترسره كوي، د اے پي پي ، رېډيو پاكستان او پي ټي وي به تر اګست ډېجيټلائز كول پېل كړو، آئي اېس پي آر په پاكستان كښې د لنډ وخت فلمونو ته نوې اړخ وربخښلې، فلم جوړولو لپاره د جديد ټېكنالوجې استعمال لپاره اقدامات كوو، پاكستان د ترهګرې په ضد جنګ كښې بې شمېره قربانې وركړې دي، په نړۍ كښې جنګونه اوس د بيانې د ګټې د لارې كېږي، په تېر وخت كښې دې ته پام نه دے شوے. ده دا خبرې د خالي په ورځ د نېشنل شارټ فلم فېسټېول دستورې ته په خپله وېنا كښې وكړې. وفاقي وزير چوهدري فواد حسېن ووئيل چې د وزيراعظم عمران خان مننه كوم چې ده مونږ ته ودانې راكړه كومه چې تقريباً بند پرته وه. په اګست كښې چې كله د پاكستان تحريك انصاف د حكومت درې كاله پوره كېږي، په دې ودانې كښې به مېډيا ټېكنالوجي پوهنتون جوړ شوے وي. ده ووئيل چې نن نړۍ د رائې عامه نړۍ ده، اوس جنګونه د بيانيې د لارې كېږي، د چا د بيانيې چې څومره ډاډګېرنه وشي، دې سره به د بريا ټاكنه كېږي. په ټوله نړۍ كښې مېډيا د بيانيې تشكيل او په ډاګه كولو لپاره كارول كېږي. پاكستان چې څنګه جعرافيائي صورتحال سره مخ دے او چې څنګه مونږ جنګونه كړي دي، شهادتونه او قربانې مو وركړې دي، د دې په مقابله كښې مونږ خپله بيانيه په ډاګه نه كړې شوه او په دې وجه نړۍ زمونږ د قربانيو هغسې اعتراف ونه كړو څنګه چې پكار وو، دا ځكه چې مونږ رائې عامه جوړولو لپاره كار ونه كړو. ده ووئيل چې د اطلاعاتو او خپرونو په وزارت كښې بهترې راوستلې شي، اے پي پي، رېډيو پاكستان او پي ټي وي به تر اګست ډېجټيلائز كړو. پاكستان تحريك انصاف چې د كومې بهترې لوظ كړے و، هغه به پوره كوو. وفاقي وزير ووئيل چې د لنډ وخت فلمونه د 40 دقيقې نه د كم وخت وي، په ډېجيټل مېډيا د ټك ټاك په صورت كښې اوس د سېكنډز فلمونه هم جوړېږي. فلم جوړونكي هم اوس د شارټ فلمونو په طرف راځي. ده ووئيل چې د 70 په لسيزه كښې مونږ د فلم جوړولو په اړه دريم لوي قوم وو، بيا يو وخت راغلو چې مونږ صفر ته لاړو، سږ كال يوازې دوه فلمونه جوړ شوي دي، د سېنيما بزنس په خساره كښې دے، د دې بهترې لپاره اقدامات كوو، جديد جرنلزم ته به بشپړه پام كولې شي. ده ووئيل چې د پاكستان تحريك انصاف حكومت چې څنګه ټول لوظونه پوره كړل، د مېډيا پوهنتون جوړولو لوظ به هم زر پوره كړو.
د وزيراعظم عمران خان په مشرې كښې د نوي پاكستان سفر پېل شوے، د رياستونو د بيانيې ودې لپاره مېډيا مهم كردار ترسره كوي. د اطلاعاتو او خپرونو وفاقي وزير چوهدري فواد حسېن د نېشنل شارټ فلم فېسټېول دستورې ته وېنا
مضمون کا ماخذ : quina resultados anteriores
متعلقہ مضامین
