لاهور۔9 جولائی (اے پی پی ) د رېلوے وفاقي وزير خواجه سعد رفيق وئيلي دي سازش كوؤنكي دې واوري چې نه به انتشار راشي او نه به جمهوريت لاړشي۔ او نه به څوك نواز شريف څخه اقتدار په زور واخلي۔ جمهوري حكومتونه رسوائۍ سره د لرې كولو پاكستان كښې رواج دے۔ اوس هم د تاريخ پايه د اپوټه كولو هڅه كولې شي۔ د جے آئي ټي د جوړولو مقصد بل وو او اوس دا بل پلو روانه ده۔ كه جے آئي غلط كار وكړي نو په دې ټكونه كېدې شي۔ او كه مونږ ته كوم اعتراض وي نو هغه به هم رامخې ته كولې شي۔ عمران خان په خپله د 3 سوه نه زيات كناله زمكې په كور كښې استوګنه كوي نه هغه مني ټرېل ښائي او نه الېكشن كمېشن كښې ځواب جمع كوي۔ بلكې هغې ته كنځلې كوي۔ د دې خيالاتو څرګندونه وفاقي وزير خواجه سعد رفيق عيد ملن پارټۍ ته خطاب كښې وكړه۔ ده ووئيل اولس سره مو وعده كړې وه چې دوئي ته به يو روښانه هېواد وركوؤ۔ ولې حكومت د اولنۍ ورځې څخه په صحيح توګه كار ته پرېښودلې شوې نه دے۔ ده ووئيل نړۍ ته ښه معلومه ده كه پاكستان په خپلو پښو ودرېدو نو بې وسۍ او جهالت لرې كولو كښې به كامياب شي۔ كه معيشت مضبوط شي نو پاكستان به د نورو ملګرو هېوادونو د مرستې كولو هم جوګه شي۔ ځينې نړيوال قوتونه پاكستان كمزورې كول غواړي۔ دا طاقتونه پاكستان نيوكليئر طاقت ليدل نه غواړي۔ ولې د نواز شريف په دور كښې دا هېواد يو نيوكليئر طاقت جوړ شو۔ ده ووئيل هند پاكستان خوشحاله هېواد ليدل نه غواړي قائد اعظم او د مسلم انډيا مشرتابه دوئي سم پېژندلي وو۔ ده ووئيل سي پېك د خوشحالۍ يوه لويه منصوبه ده۔ ده ووئيل په پاور سېكټر كښې دومره كار په تېرو 60 كلونو كښې نه دے شوے څومره چې موجوده حكومت په څلورو كلونو كښې وكړو۔ ده ووئيل كله چې مسلم ليګ ن حكومت ترلاسه كړو د هېواد د ديواليه كېدو خبرې روانې وې۔ كراچۍ مقتل ګاه جوړه شوې وه ٬ هېواد كښې ترهه ګري ډېره زياته وه۔ خزانه خالي وه ولې حكومت د دې ټولو مسئلو مقابله كولو سره په دې قابو وموندلو۔ ده ووئيل نن هم د څلورو واړو صوبو زنځير نواز شريف دے۔ ده ووئيل مخالفين وائي كرپشن شوے ولې دا معلومه نه ده چې چا كړې او كله ئې كړې۔ ده ووئيل عمران خان ته دا معلومه نه ده چې په چا تور لګول څومره لويه ګناه ده۔ ده ووئيل مونږ هم په مخالفينو د تورونو ډېرې لارې لرو۔ ولې دا د مسلم ليګ نون طريقه نه ده۔ وفاقي وزير ووئيل عمران خان په خپله د 3 سوه نه زيات كناله زمكې په كور كښې استوګنه كوي نه هغه مني ټرېل ښائي او نه الېكشن كمېشن كښې ځواب جمع كوي۔ بلكې هغې ته كنځلې كوي۔ د پارلېمنټ جنګلې ده ماتې كړې۔ په پي ټي وي د قبضه كولو هڅه ده وكړه۔ د اسلام آباد د بندولو خبره ده وكړه۔ ولې دده قابو كوؤنكې هېڅ څوك نشته۔ اوس به ده له د غېر ملكي فنډنګ ځواب وركول وي۔ د خپلې محكمې په اړه وفاقي وزير ووئيل چې كه ماته د رېلوے څانګه راكړې شوه نو دې به 18 ارب د كال ګټه كوله۔ ولې مونږ د روان كال په مهال 40 اربه روپۍ ګټلې دي۔ او راروان كال كښې به 50 ارب روپو وګټلې شي۔ د رېلوے په مسافرو كښې د دوه كروړه كسانو اضافه شوې۔ زما په ضد دې څوك عدالت ته ثبوت يوسي۔ ده ووئيل زما ورور پنجاب كښې د 4 كلونو نه وزير دے دده په ضد دے څوك د يو روپۍ ثبوت وښائي۔
سازش كوؤنكي دې واوري چې نه به انتشار راشي او نه به جمهوريت لاړشي۔ خواجه سعد رفيق عيد ملن پارټۍ ته خطاب
مضمون کا ماخذ : اسلام آباد لاٹری
متعلقہ مضامین
