اسلام آباد 18 نومبر (اے پي پي) خارجه وزير بلاول بھټو زرداري وئيلي دي د هېواد د خارجه پاليسۍ بهترۍ لپاره كار كوٶ٬ ټولو هېوادونو سره د قوي اړيكو د لارې د اولس او هېواد بهترۍ لپاره كار كولې شو، زمونږ پام د پاكستان مفاد مقدم ساتل دي٬ د تېرو پنځو شپږو مياشتو خارجه پاليسيو سره هېواد ته ګټه رسېدلې ، پاكستان امريكې سره د برابرۍ په بنياد اړيكې غواړې، امريكې سره معاشي او تجارتي اړيكو ته وده وركول غواړو، د ماضي تېروتنو سره به زده كړه كولو سره مخ په وړاندې تلل وي٬ چې كله په متفقه توګه د ترهګرۍ په ضد جنګ لپاره لائحه عمل جوړ شو اونوكاميابي ترلاسه شوه۔ د دې خيالاتو څرګندونه ده د جمعې په ورځ پرېس كنفرنس ته خپلې وېنا كښې وكړه ۔بلاول بھټو زرداري ووئيل د امريكې د سازش په بيانيه عمران خان يوټرن اخستې دے، د عمران خان تازہ يو ټرن ته هركلے وايو۔ خارجه وزير ووئيل ما چې چوكۍ سنبهال كړه نو يو شمېر چېلنجونه رامخې ته وٶ٬ د پاك امريكې په روابطو كښې د كمي له امله د دواړو هېوادونو ترمېنځه مسئلې راپېدا كېږي، پاکستان او امريکا تاريخي اړيكې لري٬ ده ووئېل امريكا په بېلا بېلو څانګو كښې د مرستې په حواله د پاكستان شراکت دار پاتې شوے، كله چې د دواړو هېوادونو ترمېنځه لرې والې پېدا كېږي نو پاكستان او امريكې لپاره ستونزې راپېدا كېږي۔ ده ووئيل زمونږ د غوره پاليسيو په سبب د پاكستان اورپا ته برآمدات اتيا فيصده زيات شوي،د ملګرو ملتونو د عمومي اسملبۍ غونډه پاكستان لپاره كاميابه وه، ده ووئېل د شنګھائي مرستې تنظيم (اېس سي او) په غونډه كښې پاكستان يو شمېر كاميابۍ ترلاسه كړي ٬ د خارجه وزير منصب سنبهالولو نه پس مې د چين خپل همڅنګ سره خبرې كړي، ترهګري٬ معاشي او په سياسي چاور د چين خارجه وزير سره په تفصيل خبرې شوي، د چين خپل همڅنګ او نورو چارواكو سره د ملاقاتونو نه پس مونږ په مثبت لور روان يو۔ بلاول بھټو زرداري ووئيل د موسمياتي بدلون له امله د زيان مقدمه مو ګردې نړۍ ته اېښودې ده٬ نړۍ ته مو اپيل كړے چې ھغوي د سېلاب ځپليو مرسته وكړي۔ ده ووئيل د سېلاب له امله د ځېنې اروپائي هېوادونو دوره منسوخ كړې شوې٬ افريقائي هېوادونو سره هم د كار كولو ګنجائش شته۔ ده ووئيل مونږ چې خارجه پاليسي په كوم ډول وړاندې كوٶ د ھغې مثبت اثرات مرتب شوي۔ د افغانستان پحقله د ماضي غلطۍ بيا نه كول غواړو٬ ده ووئېل د افغانستان لنډ مهاله حكومت دې نړۍ سره كړې لوظونه ترسره كړي او نړيوالې ورورولۍ له افغانستان سره انګېج كېدل پكار دي، غواړو چې په افغانستان كښې د مېرمنو پشمول اولس ته حقونه ترلاسه شي۔ بلاول بھټو زرداري ووئيل په فېټف كښې پاكستان ته كاميابي ترلاسه شوې ، پاکستان د فېټف په ټول اېكشن پلان عمل كړے٬ كومو هېوادونو چې پاكستان په ګرے لسټ څخه د لرې كولو مخالفت كوٶ ھغوي د ګرے لسټ نه په بهر كولو زور رواړے۔ خارجه وزير ووئيل هڅه به كوٶ چې پاكستان هم د فېټف برخه شي۔ خارجه وزير ووئيل د پسند نا پسند نه يو خوا افغانستان سره په انساني بنيادونو اړيكې غواړو۔ د وزیراعظم شهباز شریف د چين دورې ذكر كولو سره ده ووئيل د دې دورې په مهال د دواړو هېوادونو ترمېنځه په 17 لوظنامو لاسليك شوے۔ ده ووئيل دا دوره په دې اعتبار سره د اهميت وړ ده ځكه چې د هغه په دې ورستيو كښې د چين وړومبۍ دوره وه كومه چې د پاك چين دوستۍ ثبوت دے۔ ده ووئيل د امريكې خارجه وزير بلنکن او نورو چارواكو سره د يو اېن فوډ سكيورټي كنفرنس او د ملګرو ملتونو عمومي اسمبلۍ د كلنې غونډې په مهال ملاقاتونه شوي كومو چې امریکې سره د پاكستان اړيكې په مثبت لور مخ په وړاندې روانې كړې او هم دغه هېوادونو پاكستان د فېټف ګرے لسټ نه ويستلو سره په وائټ لسټ كښې د شاملولو ملاتړ كړے۔ بلاول بھټو زرداري ووئيل پاكستان د جي اېس پي پلس حيثېت ترلاسه كړے ٶ ٬ د دې پاكستاني اولس ته ګټه رسېدلې ده٬ د جي اېس پي پلس سره پاكستاني اولس سره سره د اروپائي ائتلاف اولس او هېوادونو ته هم ګټه رسېدلې، ده ووئېل غواړو چې دې ته پراختيا وركړې شي۔ ده ووئيل د ملګرو ملتونو عمومي سېكتر د پاکستان د سېلاب ځپليو د مرستې اپيل كړے، حکومت د كشمير مسئله هم رامخې ته كړې او پاكستان د المان د خارجه وزير د كشمير په اړه د موقف هركلے كړے د د يوې پوښتنې په ځواب ده ووئيل مونږ د هند لخوا په كال 2019 كښې د كشمير پحقله غېر قانوني اقدامات كړي كوم چې نه يواځې د ملګرو ملتونو د كشمير پحقله د قراردادونو بلكې د نړيوال قوانين هم خلاف ورزي ده ۔ خارجه وزير ووئيل پاكستان ټولو ګاٶنډيانو هېوادونو سره د سوله ايزو اړيكو خواهش لري٬ وزیراعظم شهباز شریف د اېس سی او غونډې په موقع د روسيه صدر پيوټن سره ملاقات كړے۔ بلاول بھټو زرداري ووئيل ما د ايران دوره كړې او د دې نه پس په اسلام آباد كښې د دواړو هېوادونو د مشتركه كونسل غونډه پنځه كاله پس شوې٬ د ایران۔ پاکستان ګاز پائپ لائن پحقله د يوې پوښتنې په ځواب ده ووئيل دې منصوبې سره به د دواړو هېوادونو اولس ته ګټه ورسي۔ بلاول بھټو زرداري ووئيل د خارجه وزير جوړېدو نه پس ما وړومبۍ دوه اړخيزه دوره د چين كړې ٬ د چين خارجه وزير سره ملاقات شوے او تراوسه دا سلسلسه په مثبت ډول روانه ده ۔ خارجه وزير ووئيل زمونږ پام لرنه د پاكستان مفاد مخ په وړاندې بوتلل دي،مونږ د خارجه پاليسۍ پحقله په سخت دور راتېر شوې يو
د هېواد د خارجه پاليسۍ بهترۍ لپاره كار كوٶ٬ پاكستان امريكې سرې د برابرۍ په بنياد اړيكې غواړې٬ د ملګرو ملتونو عمومي سېكتر د پاکستان د سېلاب ځپليو د مرستې اپيل كړے ۔ د خارجه خارجه بلاول بھټو زرداري په خارجه دفتر كښې پرېس كنفرنس
مضمون کا ماخذ : کمپیوٹر لاٹری آن لائن
متعلقہ مضامین
.jpg)
