اسلام آباد۔2 مئی (اے پی پی) د مذهبي چارو وفاقي وزير سېنېټر محمد طلحه محمود وئيلي دي چې سعودي عربستان کښې د حج اپريشن په مهال به د ټولو معاونينو څارنه کولې شي، د حاجيانو په خدمت کښې به هيڅ قسمه غفلت او كمې برداشت كولې نه شي۔ د نهې په ورځ په سپورټس کمپلېکس کښې د حج معاونينو ټرېننګ سېشن ته خپل خطاب كښې ده ووئيل معاونينو له به د حج په مهال د حجاج كرامو د ټولو ضرورتونو خيال ساتل او د هغوي بشپړ لارښودنه كول وي۔ ټول معاونین باید خپله وظيفه ايماني جذبې سره ترسره كړي۔ ده ووئيل چې د حج عملياتو په مهال به زه په حجاز مقدس كښې يم او دغلته به د معاونينو د خذماتو په شمول د ټول حج آپرېش څارنه كوم او دې لړ كښې به هېڅ ډول غفلت او كمې زغملې نه شي۔ ده ووئيل د حج انتظاماتو حتمي كولو لپاره شپه او ورځ كار روان دے٬ مونږ غواړؤ چې د حاجيانو د اسانتيا لپاره ټول وسائل وكارولې شي۔ په دې لړ کښې له ټولو هوايي شرکتونو او سعودي چارواکو سره په تماس کښې يؤ۔ د حج انتظامات به زر تر زره بشپړ شي او حاجیان به په خپل وخت حجاز ته روان كړې شي۔ ده د ابلاغ ذريعو ته خواست وكړو چې هغه دې بې بنسټه خبرونو څخه ډډه وكړي۔ ده دعا وكړه چې پاك پروردګار دے مونږ ته د دې فرض آسانۍ سره د ترسره كولو توفيق راكړي۔
د حجاج كرامو خذمت كښې به كوم غفلت او كمې زغملې نه شي٬ محمد طلحه محمود
مضمون کا ماخذ : لاٹری کے نتائج
متعلقہ مضامین
