اسلام آباد 20 مئي (اے پي پي) پاکستان د هند لخوا په مقبوضه کشمير كښې د بشري حقونو د سنګينو خلاف ورزو او په سينئر کشميري لارښود محمد ياسين ملك په كال 2017 كښې د يوې فرضي او د بې بنسټه مقدمې د فرد جرم عائد كولو په اړه خپل سخت غبرګون څرګند كړے ۔ د خارجه دفتر وياند د جمعې په ورځ د خالي په ورځ د اوونيز بريفنګ په مهال ووئيل پاكستان كښې د هند ناظم الامور د مئي په 18مه نيټه خارجه دفتر ته رابللے شوے ؤ او ھغه ته ئې د محمد ياسين ملك په يوه فرضي مقدمه كښې د نظر بندۍ پشمول په فرد جرم عائد كولو سخت احتجاج رېكارډ كړے دے ، د نوي ډيلي په بدنام تهاړ زندان كښې په غېر قانوني توګه نظر بند حريت لارښود محمد ياسين ملك باندې فرضي تورونه لګولې شوي٬ هند په مقبوضه کشمير كښې د بشري حقونو سختۍ خلاف ورزۍ كوي٬ كشميري مشران د فرضي مقدمو له مخې سزا وار ګرځولې شي چې مقصد ئې كشميريان د حقيقي مشرانو نه محرومول دي۔ وياند ووئيل دا خبره د تشويش وړ ده چې هند كشميريان د بنيادي حقونو څخه محروم ساتلي او په مقبوضه سيمه كښې د بشري حقونو سنګينې خلاف ورزۍ كوي٬ او په دې خلاف وزو د ملګرو ملتونو او د بشري حقونو نړيوال تنظيمونه خبر كړے شوي، وياند ووئېل پاکستان د ستمبر 2021ء پشمول په بېلا بېلو موقعو په مقبوضه سيمه كښې د بشري حقونو د سنګينو خلاف ورزو په اړه ملګرو ملتونو او نړيوالو ادارو ته دستاوېزي ثبوت وركړے۔ وياند نړيوالې ورورولۍ څخه غوښتنه كړې چې ھغوي په مقبوضه كشمير كښې د بشري حقونو د خلاف ورزو نوټس واخلي او كشميري اولس ته د ملګرو ملتونو د قراردادونو له مخې د خپلواكۍ حق وركولو لپاره خپل كردار ولوبوي۔ وياند ووئيل خارجه وزير بلاول بھټو زرداري به نن د خالي په ورځ د چين دوه ورځنۍ دوره كوي٬ تېره مياشت د خارجه وزير چوكۍ سنبهالولو نه پس د خارجه وزير دا د چين وړومبنۍ دوره ده ۔ وزير خارجه بلاول بھټو زرداري د دې نه وړاندې د امريكې درې ورځنې دوره كړې او د امريكې خپل همڅنګ انتھوني بلنکن سره ئې ملاقات كړے او د نيويارك دورې په مهال ئې د ملګرو ملتونو عمومي سېكتر انتونيو ګوټرېس نه علاوه د ملګرو ملتونو د عمومي اسمبلۍ صدر عبداﷲ شاهد سره هم ملاقات كړے۔ وياند ووئيل خارجه وزير د دورې په مهال په فوډ سېكورټي غونډه كښې هم ګډون كړے او دې سره سره ئې د تركيه او اټاليه خپل همڅنګو سره هم ملاقاتونه كړي ۔ وياند ووئېل بلاول بھټو زرداري د امريكې دورې په مهال د امريكې ايوان نمائندګان او د سېنېټ غړو سره هم ملاقاتونه كړي۔ ده ووئيل د خارجه وزير د 17م نه تر 19م مئي د امريكې دورې څخه دا خبره څرګندېږي چې پاکستان ګڼ اړخيزه اړېكو او ملګرو ملتونو ته ډېر اهميت وركوي٬ پاکستان د متحده عرب امارات صدر شېخ خليفه بن زيد النهيان په مړينه هم د يو اے اي مشرانو سره د غمرازۍ څرګندونه كړې۔ وياند ووئيل وزيراعظم شهباز شريف او خارجه وزير بلاول بھټو زرداري د متحده عرب امارات قيادت سره غمرازۍ لپاره د يو اے اي دوره كړې٬ پاکستان اوراښاد لارښود ته پېرزوئنې وړاندې كولو سره د 13مې نه تر 15مې مئي د قامي غم اعلان هم كړے ؤ ۔ وزيراعظم شهباز شريف د عوامي جمهوريه چين وزيراعظم لي کي کيانګ سره كراچۍ كښې د اپرېل په 26مه نېټه د ترهګرۍ په پېښه كښې د دريو چينائي وګړو په مړينه غمرازي كولو لپاره په 16مه مئي ټېلي فوني خبرې كړې او ورسره ئې د غمرازۍ څرګندونه كړې٬ د خبرو اترو په مهال د پاکستان او چين ترمېنځه د دوه اړخيزه اهميت په چارو د خيالاتو څرګندونه شوې٬ وزيراعظم د سي پېك له مخئ د اقتصادي مرستې او د تجارتي اړيكو په زياتولو د چين خپل همڅنګ سره خبرې كړې٬ ده ووئېل تېره ورځ د چين ايکسټرنل سکيورټي کمشنر چېنګ ګيو پنګ هم وزيراعظم سره ملاقات كړے
هند په مقبوضه کشمير كښې د بشري حقونو سختۍ خلاف ورزۍ كوي٬ كشميري مشران د فرضي مقدمو له مخې سزا وار ګرځولې شي ۔د خارجه دفتر اوونيز بريفنګ
مضمون کا ماخذ : لاٹری جیتنے کی چانسز
متعلقہ مضامین
