اسلام آباد 17 جولائي (اے پي پي) وزیراعظم عمران خان د پاكستان كلين او ګرين هېواد جوړولو د عزم پخلې سره په ټول قام او په خاص توګه په ځوانانو زور رواړے چې ھغوي د شجركارۍ په كمپائن كښې زياته برخه واخلي ، د بوټو نالولو سره سره به د دې حفاظت ته هم خاص پام كولے شي٬ په دې لړ كښې نوې كل زيات شعور لري٬ د قدرتي ماحول تحفظ لپاره به ټولو ښارونو كښې ماسټر پلان جوړولے شي، د لوي اختر په مهال د كرونا خپرېدو مخ نيوي لپاره په اېس او پيز به په سختۍ سره عملدرآمد كولے شي٬ په دې لړ كښې انتظاميې ته امر شوے ۔ د وزیراعظم عمران خان د دې خيالاتو څرګندونه د جمعې په ورځ په كهوټه كښئ د پشكال شجركارۍ كمپائن پرانستې دستورې ته خپله وېنا كښې وكړه ۔ په دستوره كښې د موسمياتي بدلون صلاحكار ملك امین اسلم او وزير مملكت زرتاج ګل هم موجود وه۔ د دې نه وړاندې وزیراعظم د وټې په نالولو د شجركارۍ كمپائن باضابطه پرانسته وكړه ۔ وزیراعظم خپله وېنا كښې ووئيل پاكستان كښې د ځنګلاتو زمكه پرله پسې كمه شوې او د دې سوب د ځنګلاتو بې درېغه وهل دي او د نوې اونو نالولو ته پام نه كول دي ۔ ده ووئيل د هېواد د سباٶن او نوې كل لپاره د ځنګلاتو زياتول زيات ضروري دي ، دې مقصد لپاره زمونږ حكومت د لس بېليونه ټري منصوبه پېل كړې ۔ وزیراعظم ووئيل د دې منصوبې له مخئ به دوو كالو كښې 30 كروړه بوټي نالولې شي او د راتلونكي كال تر جون به دا شمېره يو ارب ته رسولے شي۔ ده ووئيل هېواد كښې د شجركارۍ ضرورت له مخئ نرسرۍ جوړې كړې شوي او هيله ده چې د دې منصوبې هدفونه به سر كړے شي۔ ده ووئيل د ګرين هېواد جوړولو لپاره شجركارۍ سره سره د دې د حفاظت انتظام هم ضروري دے، دې مقصد لپاره به د ځائي اولس خدمات ترلاسه كولے شي۔ ده ووئيل د اونو اهميت په اړه نوې كل زيات شعور لري٬ دوي ته زياته خبرتيا وركولو لپاره به سكولونو كښې په اوونۍ كښې دوه ساعته د كلين ګرين پاکستان تعليم لپاره د مختص كولو پرېكړه شوې ۔ وزیراعظم ووئېل صفائي نيم ايمان دے، د صفائۍ په اړه ځوانانو له د اوس نه تياري پكار ده ۔ ده ووئيل ښارونو خپرېدو سره قدرتي ماحول او د زراعت په څانګه اثرات مرتب شوي چې ورسره سباٶن كښې د خوراك مسئلې هم رامخئ ته كېدې شي ٬ په دې تناظر كښې چيف سېكرتريز ته ښارونو كښې د ماسټر پلان جوړولو امر شوے ٬ د دې له مخئ به د ښارونو د انتظام منصوبه بندي كولې شي۔ وزیراعظم په دستوره كښې د ګډون كوٶنكو زده كوٶنكو لخوا د كرونا څخه بچ كېدو له د اېس او پيز عملي كولو ستائنه كولو سره ووئيل په پاكستان د لوي څښتن خاص كرم شوے چې د نړۍ د نورو هېوادونو په مقابل كښې زمونږ زيان كم شوے او په خاص توګه هند كښې د كرونا وائرس او سخت لاك ډآٶن څخه بحران راپېدا شوے ۔ده ووئېل زمونږ د حكومت د وضع كړې لائحې په سبب د نورو هېوادونو په نسبت پاكستان كښې حالات ښه دي ۔ وزیراعظم ووئيل د لوي اختر په مهال د كرونا خپرېدو مخ نيوي لپاره په اېس او پيز به په سختۍ سره عملدرآمد كولے شي٬ په دې لړ كښې انتظاميې ته امر شوے ، كه قام په اېس او پيز عملدرآمد وكړي نو د دې ازميښت نه به په وتلو كښې بريالي شو
ټول قام په خاص توګه ځوانان دې د شجركارۍ په كمپائن كښې زياته برخه واخلي ، د بوټو نالولو سره سره به د دې حفاظت ته هم خاص پام كولے شي
مضمون کا ماخذ : اسکریچ کارڈز کی جیت
متعلقہ مضامین
