اسلام آباد 08 اپريل (اے پي پي) د اطلاعات، خپرونو او قانون وفاقي وزير چوهدري فواد حسېن وئيلي دي تحريك عدم اعتماد عمومي نه دے ، حکومت سره د موجودو شواهدو نه واضحه شوې چې تحريك عدم اعتماد د نړيوال سازش برخه دے، پاکستان كښې په هارس ټريډنګ ټول قام تشويش لري، سپريم کورټ بايد په خپله پريكړه نظرثاني وكړي، وفاقي کابينې سبا د ټولو غړو لخوا د اسمبلۍ په وړاندې د تحريك عدم اعتماد په اړه د شواهد وړاندې كولو پريكړه كړې ۔ده دا خبره د جمعې په ورځ ميډيا سره په خپلو خبرو كښې وكړه۔ چوهدري فواد حسېن ووئيل وفاقي کابينې د وزيراعظم عمران خان په قيادت د باور څرګندونه كړې۔ وفاقي کابينه او قام د عمران خان سره ولاړ دي۔ده ووئيل د تيرې ورځې به پريكړه بايد سپريم کورټ نظرثاني وكړي ، رولنګ درست يا غلط ګرځولو لپاره هغه مواد كتل ضروري دي د كومو په بنياد چې سپيکر پريكړه كړې وه ۔ده ووئيل په پاکستان كښې په هارس ټريډنګ ټول قوم تشويش لري ٬ هارس ټريډنګ د لارې د ضمير اخستو هڅې شوې۔ده ووئيل تحريك عدم اعتماد عمومي نه دے ، وفاقي حکومت سره چې كوم مواد موجود دي هغې څخه په ډاګه شوې چې تحريك عدم اعتماد د نړيوال سازش ترمخه راوړلے شوے د كوم په شا چې ځينې لوئې مافياز ولاړې دي۔ده ووئيل کابينې د ټولو غړ سره د تحريك عدم اعتماد په اړه د شواهدو اېښودلو پريكړه كړې، د دې شواهدو كتلو نه پس هم چې څوك تحريك عدم اعتماد پلو تلل غواړي نو بيا به پريكړه د پاكستان اولس كوي۔ده ووئيل وفاقي کابينې د دې نړيوال سازش پلټنو لپاره د ليفټيننټ جنرل ريټائرډ طارق خان په مشرۍ كښې کمېشن جوړ كړے ، دا کمېشن به د ټولو چارو په شا د کردارونو او معاملات پلټنو سره حقائق اولس ته وړاندې كوي۔ده ووئيل اپوزيشن ليډر وئيلي وؤ چې مراسله نشته ، دې لپاره د کمېشن ټي آر اوز كښې شامل كړے شوي چې دا مرساله شته او كه نه نشته ، کمېشن به پلټنې كوي چې په دې مراسله كښې د حکومت بدلولو دهړكه وركړې شوې يا نه، ده ووئېل کمېشن به دا پلټنې هم كوي چې د تحريك عدم اعتماد ځائې هينډلرز څوك ؤ، ټول اپوزيشن په دې سازش كښې شريك نه دے ، ځينې مخصوص كسانو ته معلومه وه چې دا سازش چرته څخه پيل شوے
په هارس ټريډنګ قام تشويش لري، سپريم کورټ دې په خپله پريكړه نظرثاني وكړي، سبا ټولو غړو د اسمبلۍ په وړاندې د تحريك عدم اعتماد په اړه د خپلو شواهدو وړاندې كولو پريكړه كړې ۔ د اطلاعات او خپرونو وفاقي وزير چوهدري فواد حسېن ميډيا سره خبرې
مضمون کا ماخذ : ہاٹ اسپن
متعلقہ مضامین
